Question #: 1935
April 17, 2017
Answer #: 1935
مفتی صاحب!
Muree Brewary کی مشروبات جیسے BIG APPLE وغیرہ ، پینا حلال ہیں یا حرام؛ کیونکہ یہ کمپنی شراب بھی بناتی ہے؟
الجواب حامدا ومصلیا
کسی چیز کے حلال یا حرام ہونے میں اس کے اجزائے ترکیبی کا اعتبار ہوتا ہے، جس مشروبات کا آپ نے سوال میں ذکرکیا ہے، اگر اس میں کوئی ناپاک ، یا حرام چیز نہیں ڈالی گئی، بلکہ اس کے اجزائے ترکیبی حلال اور پاک ہیں، تو اس صورت میں وہ حلال ہیں اور ان کا پینا بھی جائز ہے۔ البتہ مذکورہ مشروب میں اگرکوئی حرام یا ناپاک چیز ڈالی گئی ہو، ( اور اس کی ماہیت بھی تبدیل نہ ہوئی ہو) تو اس صورت میں وہ حلال نہ ہوگی اور اس کا کھانا بھی جائز نہ ہوگا۔ لہذا جب تک تحقیق سے ثابت نہ ہوجائے کہ اس میں حرام یا نجس ڈالی گئی ہے تب تک حرام نہیں کہہ سکتے اور دوسروں کو منع نہیں کرسکتے۔
ہاں! اگر کوئی مسلمان ان سے اس لیے بائیکاٹ کرتا ہے، یہ کمپنی شراب بناتی ہے، تو اس کا یہ جذبہ قابل تحسین ہے۔
واللہ اعلم بالصواب
احقرمحمد ابوبکر صدیق غفراللہ لہ
دارالافتاء ،معہد الفقیر الاسلامی، جھنگ
۲۱؍رجب المرجب؍۱۴۳۸ھ
۱۹؍اپریل؍۲۰۱۷ء