Question #: 2327
December 12, 2018
Answer #: 2327
السلام علیکم جو ویسٹرن ٹوائیلٹ کے لیے ہم جو قضائے حاجت کے لیے جاتے ہیں تو اس پر بیٹھنے سے پانی اوپر گرتاہے۔ آج کل آفس اور جدید مسجدوں میں وہی رہتا ہے تو اس پر کیسے بیٹھیں اور اگر پانی گر جائے تو کیا کریں۔
الجواب حامدا ومصلیا
کموڈ استعمال کرنا جائز ہے لیکن اس طرح استعمال کریں کہ نجاست جسم اور کپڑوں وغیرہ پر نہ لگے۔ جس کا طریقہ یہ ہے کہ سیٹ کو پانی ڈال کر اچھی طرح پاک وصاف کرلیا جائے اور ٹشو سے خشک کردیا جائے ، اس کے بعد اس پر بیٹھ کر پیشاب کرسکتے ہیں۔ اسی طرح اگر نیچے سے چھینٹے اڑنے کا اندیشہ ہو تو اس میں بھی کچھ ٹشو ڈال دیں تاکہ چھینٹے نہ اُڑیں۔
والله اعلم بالصواب
احقرمحمد ابوبکر صدیق غفراللہ لہ
دارالافتاء ، معہد الفقیر الاسلامی، جھنگ
۳۰ ؍ جمادى الأول؍ ۱۴۴۰ھ
05 ؍ فروری؍ 2019ء