Question #: 2335
December 18, 2018
Answer #: 2335
مفتی صاحب! آج کل جب کسی نیٹ ورک کی سم دو ماہ بند رکھی جاتی ہے تو دوبارہ آن کرنے کے بعد وہ دو ماہ کیلئے فری منٹس اور ایس ایم ایس دیتے ہیں تو کیا یہ حلال ہےیا حرام؟ کیوں کہ ہم نے سنا ہے کہ جس چیز پر انسان نے محنت نہ کی ہو وہ حلال نہیں، تو اس پر تو انسان کی کوئی بھی محنت نہیں ہوتی ہے۔
الجواب حامدا ومصلیا
کسی نیٹ ورک کی سم دو ماہ بند رکھنے کے بعد دوبارہ سم استعمال میں لانے پر دو ماہ کیلئے جوفری منٹس اور ایس ایم ایس دیتے ہیں ، ان کا استعمال جائز ہے ؛ کیونکہ یہ کمپنی کی طرف سے ایک طرح کا انعام اور گفٹ ہے، جو اس کو سم کے دوبارہ استعمال پر ملا ہے۔ باقی آپ نے جو اصول لکھا ہے، وہ اتنا عام نہیں ہے ،بلکہ اس سے مراد سود ہے، انعام اور گفٹ مراد نہیں ہے۔
والله اعلم بالصواب
احقرمحمد ابوبکر صدیق غفراللہ لہ
دارالافتاء ، معہد الفقیر الاسلامی، جھنگ
27 ربیع الثانی، 1440ھ
05 جنوری، 2019ء