Question #: 1668
July 24, 2016
Answer #: 1668
السلام علیکم!
میں اپنے سسرکے گھر میں الگ حصہ میں رہتا ہوں، مطلب میرا اور ان کا کچن الگ ہے۔ ساس ، سسر کے ساتھ ایک نوکر ان کی بیٹی اور بیٹا رہتے ہیں۔ اس صورت میں ساس سسر کامجھ پر کیا حقوق ہیں؟ مہربانی فرماکر واضح کریں؟
الجواب حامدا ومصلیا
آپ کے ساس اور سسر کی اصل خدمت تو ا ن کے اپنے بیٹوں اور بیٹیوں پر فرض ہے۔ البتہ آپ پر ان کا ادب واحترام اور نرمی کے ساتھ پیش آنا لازم ہے،اور وقتافوقتا ان کی دیکھ بھال کرتے رہنا ، اور ان سے ملتے رہناآپ کی اخلاقی ذمہ داری ہے، اور خصوصاً جبکہ انہوں نے اپنا مکان آپ کو رہائش کے لیے دیا ہوا ہے، اس کاتقاضا بھی یہ ہے کہ آپ بھی ان کی خدمت میں کمی نہ آنے دیں۔ اس سے آپس کا رشتہ خوشگوار رہتا ہے، اور گھر میں سکون و اطمینان ہوتاہے۔
واللہ اعلم بالصواب
احقرمحمد ابوبکر صدیق غفراللہ لہ
دارالافتاء ،معہد الفقیر الاسلامی، جھنگ
۲۶؍شوال؍۱۴۳۷ھ
۳۱؍جولائی ؍۲۰۱۶ء