Question #: 1884
February 25, 2017
Answer #: 1884
میں نے پچھلے سال سردیوں میں عمرہ کیا تھا، سردی کی وجہ سے مسجد الحرام کا فرش ٹھنڈا تھا، تو میں نے چپل پہن کر طواف کیا تو کیا میرا عمرہ ہوگیا اور کوئی کفارہ تو نہیں واجب ہوا؟
یہ جوتا ہوائی چپل تھا، جس میں درمیان والی ہڈی ظاہر تھی، اوروہ جوتاپاک تھا۔
الجواب حامدا ومصلیاً
ایسا چپل، جس سے ٹخنوں اور پیر کے پشت اور اوپر کی ہڈی کھلی رہے اور اس پر چپل کا کوئی حصہ نہ آنے پائےتو ایسا چپل احرام کی حالت میں پہننا جائز ہے، اور اس کو پہن کر طواف کرنے میں بھی کوئی حرج نہیں بشرطیکہ پاک ہو۔ (کذا فی معلم الحجاج)۔ لہذا صورت مسؤلہ میں ہوائی چپل میں کیا ہوا طواف درست ہوگیا ہے، اور اس کی وجہ سے کوئی کفارہ واجب نہیں ہوا۔
واللہ اعلم بالصواب
احقرمحمد ابوبکر صدیق غفراللہ لہ
دارالافتاء ،معہد الفقیر الاسلامی، جھنگ
۳۰؍جمادی الاول؍۱۴۳۸ھ
۲۸؍فروری؍۲۰۱۷ء