Question #: 2197
February 05, 2018
Answer #: 2197
السلام علیکم حضرت!میں رات میں ۹ بجے سے صبح ۸ بجے تک کام کرتا ہوں اور میں صبح ۱۰ بجے سے شام ۴یا ۵ بجے تک سوتا ہوں اس وقت کے دوران میری (ظہر، عصر،اور مغرب )نمازیں رہ جاتی ہیں ۔میں عام طور پر تما م نمازیں رات کے وقت قضا پڑھتا ہوں ،مہربانی فرماکر آپ میری رہنمائی فرمائیں اس بارے میں ؟یا مجھے ہر نماز اس کے وقت پر پڑھنی چاہیے ۔ میں اسکے بارے بہت پریشان ہوں اور اپنی زندگی کو کام کاج اور سونے کے ساتھ اور نماز میں ترتیب نہیں بنا پا رہا۔
الجواب حامدا ومصلیا
نماز کو وقت پر پڑھنا فرض ہے، اس کو قضا کرنا گناہ ہے، لہذا آپ کام سے فارغ ہونے کے بعد جلدی سوجائیں، پھر درمیان میں جاگنا آسان ہوجائے گا، اگر مزید نیند کرنے کا ارادہ ہوتو ظہر کی نماز پڑھ کردوبارہ سوجائیں۔ اور عصر کے وقت پھر اٹھ جائیں۔ اس طرح کرنے سے نیند بھی پوری ہوجائے گی، اور نماز بھی وقت پر باجماعت مل جائے گی۔ اگر اس کے باوجود نماز کے لیےاٹھنا مشکل ہو اور قضا ہوجاتی ہو تو پھر ملازمت کے اوقات تبدیل کرلیں۔
واللہ اعلم بالصواب
احقرمحمد ابوبکر صدیق غفراللہ لہ
دارالافتاء ، معہد الفقیر الاسلامی، جھنگ
۲۰؍جمادی الاولی؍۱۴۳۹ھ
۷؍فروری؍۲۰۱۸ء